- 20 -

1283. April 25.

In nomine domini amen. Quniam divina teste scriptura vitam eternam regnaque celestia pro terrenis et caducis mercari cupientibus, et maxime hoc terrenum et caducum Dominium tenentibus, necesse est ut ea qui in suis ordinant et statuunt et maxime cum viduis et orphanis virisque religiosis domesticisve fidei ac deum timentibns, sic faciant et peragant in suis temporibus qualiter in posterum inviolabiliter teneantur. Eapropter Nos Kasimirus dei gratia Dux de Opol et Dominus de Chosle, Illustris Ducis Wlodislai filius, una cum Venerabili Coniuge nostra Hellena Notum facimus universis tam presentibus quam futuris Quod nos pro spe retributionis eterne piis et iustis peticionibus Abbatis et Conventus fratrum de Ruda ord. Cist. benigne et misericorditer inclinati, eisdem iam dictis Abbati et fratribus in villa eorum que vulgo Scuenevalde nominatur, sita iuxta civitatem nostram vocabulo Gliuiche, sicut est limitata iam dudum de precepto pie recordationis Venerabilis Patris nostri per Lociborium Iudicem suum suumque mensuratorem Gregorium. et in Molendino dicte ville super fluvium Clodnicham nomine sito, damus et conferimus tale Ius et talem libertatem talemque donacionem, quale et qualem in villa eorum que Stanisia nominatur, a sepedicto Venerabili Patre nostro Nobisque et nostris fratribus iam dudum habere et possidere cognoscuntur. Hoc addito quod si facta divisione inter Nos et fratres nostros nunc vel postea aliquas villas eorum in nostro Dominio esse contigerit vel ipsi dicti Abbas et fratres acquirere poterint, omnibus modis supradicto iure simulque gaudeant libertate, promittentes omnia que habentur et scripta sunt in Privilegio sue Vocationis dato a sepedicto Venerabili Patre nostro, rata habere et inviolabiliter observare. Et ut hec nostra donatio firma et inviolabilis in perpetuum perseveret, presentem paginam sigilli nostri munimine duximus roborandam. Datum Anno domini M°.cc°.lxxx°.iij°. Septimo kal. Maij in die beati Marci Evangeliste Presentibus Capellanis nostris Conrado et Cuniborio, per quorum manus istud datum est Privilegium.

Nach der Confirmation von 1660 und einer alten Abschrift.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.